SiteMap

http://wepakistani.blogspot.com/2008_07_20_archive.html
http://wepakistani.blogspot.com/2008_07_20_archive.html
http://maula-ali.blogspot.com/
http://weshareviews.blogspot.com/
http://weshareviews.blogspot.com/2008/07/rich-and-poor-countries.html

ہم مسلمانوں پر کفر و شرک کے فتوے لگانے میں شیر ہیں۔

ہم مسلمانوں پر کفر و شرک کے فتوے لگانے میں شیر ہیں۔

اسلام کی تبلیغ کے نام پر ہمارے اندر بہت سی ایسی جماعتیں موجود ہیں جن کا مشن ہی اپنے علاوہ ہر کسی کو بدعتی، کافر اور مشرک قرار دینا ہے۔ تبلیغ کے نام پر بات بات پر شرک شرک کی رٹ لگا کر انہوں نے اسلام کا وہ حلیہ بگاڑا ہے کہ قوم کی بڑی اکثریت ان کی نظر میں کافر و مشرک قرار پا چکی ہے۔ گویا تبلیغ کے نام پر تکفیر کا بازار گرم ہے۔ اور اسے گرم کرنے میں ایسی تنظیموں کو دوسرے ملکوں سے پیسہ بھیجنے والے نام نہاد اسلامی خدمتگار اصل مجرم ہیں۔ تیل کی دولت اپنی عیاشیوں پر صرف کرنے کے علاوہ اسلام کی خدمت کے نام پر کفر و شرک کا بازار گرم کرنا ان کا مشغلہ ہے۔ انہیں قحط زدہ افریقہ میں مرنے والے کروڑوں مسلمانوں کی مدد سے بڑھ کر برصغیر کے مسلمانوں کو کافر و مشرک قرار دلوانا عزیز ہے۔ دوسری طرف یہودی دو ہزار سال گزر جانے کے باوجود حضرت عیسی علیہ السلام کو حلال کی پیدائش نہیں مانتے۔ اور اس شدید اختلاف کے باوجود عیسائیوں کے ساتھ مل کر پوری دنیا پر حکومت بھی کر رہے ہیں۔ اور امریکہ سمیت دنیا کے ہر ملک کے اہم فیصلوں میں شریک ہوتے ہیں۔ اگر یہودی اور عیسائی آپس کا اتنا شدید اختلاف ہونے کے باوجود اکٹھے ہو سکتے ہیں، تو کیا مسلمانوں کے مختلف فرقوں کے اندر اس سے بڑا بھی کوئی اختلاف ہے؟ نبی کریم صلی اللہ علیہ وآلہ وسلم نے امت مسلمہ کو یہ ضمانت دی کہ یہ شرک میں کبھی مبتلا نہیں ہوگی۔ آپ صلی اللہ علیہ و آلہ وسلم نے فرمایا: اِنِّيْ لَسْتُ اَخْشٰي عَلَيْکُمْ اَنْ تُشْرِکُوْا بَعْدِي، وَلٰکِنِّيْ اَخْشٰي عَلَيْکُمُ الدُنْيَا اَنْ تَنَافَسُوْا فِيْھَا، وَتَقْتَتِلُوْا فَتَھْلِکُوْا، کَمَا ھَلَکَ مَنْ کَانَ قَبْلَکُمْ۔ (صحیح مسلم، 4 : 1796، رقم : 2296) مجھے تمہارے متعلق یہ خدشہ تو نہیں ہے کہ تم (سب) میرے بعد مشرک ہو جاؤ گے لیکن مجھے تمہارے متعلق یہ خدشہ ہے کہ تم دنیا کی طرف رغبت کرو گے اور ایک دوسرے سے لڑ کر ہلاک ہو گے۔ جب نبی کریم صلی اللہ علیہ و آلہ وسلم ہمیں اس بات کی ضمانت دے رہے ہیں کہ ہم بحیثیتِ امت کبھی شرک میں مبتلا نہیں ہوں گے تو ہم کس بنیاد پر دوسرے فرقوں کو کافر و مشرک قرار دینے پر تلے رہتے ہیں؟ حقیقت یہ ہے کہ ہم اسی حدیثِ مبارکہ کے دوسرے حصہ میں موجود خدشے کے پیشِ نظر گمراہی اور دنیا کی طرف رغبت اور ایک دوسرے سے لڑ کر ہلاک ہونے میں مبتلا ہیں۔ کہیں ایک دوسرے کو کافر و مشرک قرار دینا بھی اسی ذیل میں تو نہیں؟

you can add comments

To see more visit my
blog


we
pakistani

بے عملی کی انتہاء کہ ہم نے سب کچھ اللہ پر چھوڑ رکھا ہے۔

بے عملی کی انتہاء کہ ہم نے سب کچھ اللہ پر چھوڑ رکھا ہے ہمارے ہاں بے عملی کی ایسی انتہاء ہے کہ ہم نے سب کچھ اللہ پر چھوڑ رکھا ہے۔ اسی بے عملی کے اظہار کے لئے ہماری ہی قوم کے کسی فرد نے یہ لطیفہ تخلیق کیا ہے۔ آپ بھی پڑھ لیں: سن 1914ء میں جنگ عظیم اول لگی، جس میں دنیا کی بڑی قومیں ایک دوسرے کے خلاف صف آراء تھیں۔ اس دوران میں فرشتوں نے اللہ تعالی سے عرض کی کہ انہیں مظلوموں کی مدد کے لئے اس جنگ میں شرکت کی اجازت دی جائے۔ مگر اللہ تعالی نے انہیں یہ کہتے ہوئے اہل زمین کی مدد کے لئے جانے سے روک دیا کہ مظلوم قومیں عمل سے عاری نہیں، جنگ جیسی بھی ہے وہ خود ہی فیصلہ کر لیں گی، تم اپنا کام کرو۔ سن 1939ء میں جنگ عظیم دوم لگی، جس میں دنیا کی بڑی قومیں ایک بار پھر ایک دوسرے کے خلاف صف آراء تھیں۔ اور پھر وہ دن بھی آ گیا جب جاپان پر ایٹم بم برساتے ہوئے لاکھوں کی آبادی کو موت کی نیند سلایا جانا تھا۔ اس دوران میں فرشتوں نے پھر اللہ تعالی سے عرض کی کہ انہیں مظلوموں کی مدد کے لئے اس جنگ میں شرکت کی اجازت دی جائے، کیونکہ یہ اس دنیا کی پہلی ایٹمی جنگ تھی۔ مگر حسب معمول اللہ تعالی نے انہیں یہ کہتے ہوئے اہل زمین کی مدد کے لئے جانے سے روک دیا کہ اس بار بھی مظلوم قومیں عمل سے عاری نہیں، جنگ جیسی بھی خطرناک صورت اختیار کر لے، وہ خود ہی فیصلہ کر لیں گی، تم اپنا کام کرو۔ سن 1965ء میں جب بھارت نے پاکستان پر حملہ کیا تو فرشتے ابھی اس خبر سے بھی بے خبر تھے کہ اللہ تعالی نے ہنگامی میٹنگ بلائی اور فرشتوں کو حکم دیا کہ فوراً پاکستانیوں کی مدد کو پہنچو۔ فرشتے حیران ہوئے اور بولے کہ اے اللہ اس زمین پر دو عالمی جنگیں ایسی گزر چکی ہیں جن میں تو نے ہمیں اہل زمین کی مدد کو نہیں جانے دیا۔ اب اس میں کیا حمکت ہے کہ اتنی چھوٹی سی جنگ میں ہمیں بھیج رہا ہے؟ اللہ تعالی نے کہا کہ اس جنگ میں پاکستان مظلوم ہے اور یہ وہ قوم ہے جس نے سب کچھ مجھ پر چھوڑ رکھا ہے۔

حکیم الامت علامہ محمد اقبال نے کم و بیش ایک صدی قبل اسی بے عملی و بے حسی بارے فرمایا تھا:   کیا یہی ہے معاشرت کا کمال؟ مرد بے کار و زن تہی آغوش اور ہم ہیں کہ ایک صدی گزرنے کے باوجود اپنا قومی وطیرہ تبدیل کرنے پر قائل نہیں ہو سکے۔ انا للہ و انا الیہ راجعون